Hasiera
Hezkuntza
Batxilergoa

Batxilergoa

Batxilergoko helburu eta konpetentziak Bisita egiteko informazio orokorra Bisita erreserbatu

Museoa bizi "Hura ikusi, hauxe bizi, hauxe pentsatu"

Ibilbidea aukeratu aurretik, Batxilergoko txosten orokorra irakurtzea gomendatzen da, hantxe zehazten baitira bisitaren helburu eta ezaugarriak, bai eta bisitan jarduteko modua ere.

San Telmo Museoak esperientzia berri hauek proposatzen dizkizu...

Denbora lerroa

Jarduera honetan XIX. eta XX. mendeetan euskal gizartean gertatutako aldaketa nagusiak aztertuko ditugu. Tailer gelan, ikasleei denbora eta espazioa batzen dituen lerro batean, hainbat gertaera historiko kokatzeko eskaera egingo diegu. Honela, modu grafiko batean, momentu berean baina leku desberdinetan gertatutakoa ikusi ahal izango dute.

Historiaren artea

Arte Ederretako bildumako bisitan XV. mendetik XIX. mendera bitarteko ibilbide kronologikoa egiten da. Hartara, artearen historian funtsezko garrantzia izan zuten egileak ikusiko ditugu baina estilo artistikoek historian zehar izan duten bilakaera ezagutzeko aukera ere izanik. Eta tailer moduan, “collage” teknikarekin ikasleek artearen garai desberdinak irudikatu beharko dituzte.

Eta ibilbide tematiko moduan...

Artea agerian

Teknologia berrien bitartez museoko hainbat artelanen gakoak topatuko ditugu. Gaur egungo teknologiek artea eta historia ezagutzeko aukera zabala eskaintzen dute.

Zatoz zugana

San Telmo Museoa ezagutzeko ibilbide orokorra. Gaur egungo ikuspegitik begiratutako objektu historikoak gure iragana eta gure oraina ulertzeko gako batzuk eskainiko ditugu.

Irakasleentzako koadernoa

Bertakoa eta unibertsala

Gainbegiratua mundu garaikideari, erakustareto iraunkorretan barrena. Museoaren ardatzak dira jorratu beharreko gaiak: iraganera begira, etorkizunari heltzeko erronkak azaltzea da asmoa.

Ikasleekin lan egiteko fitxak 1, 2, 3, 4
Irakasleentzako koadernoa

San Telmoko arkitekturak

San Telmo Museoak izan duen azkeneko zabalkuntzatik eratorritako ibilbide honetan eraikinari erreparatzen zaio batez ere.

Heriotza Egunerokoan

Museoan zein eskolan heriotzaren gaia lantzeko programa. Materiala maileguan har daiteke eta maleta baten barruan txertatua dago. Bertan eskugagarri dituzue:

Irakaslearen gida: ikasmaila ezberdinetarako 19 jarduera proposamen.
Baliabide didaktikoak:19 jarduerak egiteko baliabideak: ipuinak, filmak, jokoak, e.a.