Hezkuntza

San Telmo Museoa Euskal Herriko museo zaharrena da eta bertan euskal gizartearen bilakaera ezagutu dezakegu historiaurretik gaur egun arte.

Kultur zentro bizi-bizia da, etengabe eraikitzen ari dena, eta bisitariekin behin eta berriro hartu-emanetan eta elkarren eraginean diharduena, San Telmoren benetako helburu eta jomuga bisitariak baitira.

Erakusketa iraunkorra abiapuntutzat hartuta, museoak ikasmaila guztietarako eskaintza zabala du eta euskal gizartearen gai anitzetan murgiltzeko aukera ematen digu. Horrela, museoa bisitatzeko era ezberdinak planteatzen ditugu ikasleen esperientzia paregabea eta ahaztezina izan dadin.

Horregatik, honako eskaintza hau proposatzen dizuegu, zuentzat aproposena aukera dezazuen:

STMk proposatutako jarduera berriak

Hezkuntza-ziklo bakoitzera egokitutako jarduera hauetan, erakusketa iraunkorraren zantzu nagusiak ikasketa zentruei eskatzen zaizkien edukiak jorratzen dira. Bi orduko jardueren bitartez, ikasleek beraien ikastetxeetan ikasitakoa modu esperimentalean landu eta bizi dezakete.

STMko ibilbide tematikoak

Museoak gai zehatzak lantzeko ibilbideak proposatzen ditu. Museoko hezitzaileekin edo irakasleek modu autonomoan egiteko jarduera hauetan ikasgelan egindakoa zabaldu dezakete ikasleek.

Eskaintza didaktikoa honako ikasmailetara bideratuta dago:

• Haur Hezkuntza
• Lehen Hezkuntza
• DBH
• Batxilergoa
• Helduen Hezkuntza