Museoaren Erronkak ildoak gaurkotasuneko gaiei erantzuten die, batez ere pentsamendu eta eztabaida jardueren eta erakusketen bidez. Gizarteak dituen unean uneko erronka handiei bost ardatz nagusitan oinarrituta heltzen die museoak, gaurkotasunak eskatzen zituen beste hainbat gai alde batera utzi gabe. Jarduera horiek ospe handiko beste erakunde batzuekin lankidetzan egiten dira.
Ikusi hemen museoak gai horien inguruan antolatutako jardueren programazioa.
Gure ustez zer da Europa? Nolako Europa eraikitzen lagundu nahi dugu Euskaditik? Estatuek, nazioek eta eskualdeek zer eginkizun betetzen dute elkartasunak nagusi izan behar duen prozesuan?
Azken mendeetan gizarteak bizi-baldintzak hobetu nahi izan ditu zientzian, arrazoian edo teknologietan oinarrituta; hori horrela izanik, hurrengo erronka, hirugarren milurtekoko erronka, giza eskubideak zabaltzea da, arrazaren, hizkuntzaren, erlijioaren edo egoera ekonomikoaren ondoriozko distantzia sozialak murriztuz.
Gizartea kontsumista da eta mundua ere erabat industrializatua dago; egoera hori ikusita, energiaren erabilera arduratsuari eta kontrolik gabeko kontsumoari buruzko kezka sortzen hasi da. Gure erronka: egungo ekonomiaren oinarria aldatzea.
Gizarteak gizonen eta emakumeen artean sortu dituen aldeen —alde moral, fisiko, sozial eta kulturalak, besteak beste— garrantzia eta konplexutasuna onartzea dakar erronka horrek, alde horiek desberdintasun bihurtu baitira.
Gure bizikidetzaren etorkizunari bakearen bidez eta Giza Eskubideak errespetatuz aurre egitea da erronka nagusia, baita euskal gizartearen desiorik handiena ere. Nola lagun dezakegu iragan mingarri hori gainditzen, gizarte libre eta adiskidetua lortzeko?
WEBGUNEAREN TITULARRA:
ORRI-OINA:
Menu osagarria:
San Telmo Museoa. 2024 copyright ©
NABIGAZIORAKO LANGUNTZAK: